Sumdawngte tan Sri lanka-in Loan a la dawn
Covid-19 vanga sumdawng tenaute harsatna tawh mek tihziaawm a nih theihna turin Sri Lanka sorkar chuan Asian Development Bank (ADB) aṭangin loan US dollar maktaduai 165 a la dawn.
Nilaini khan loan la tur hian inremna hi an ziak a, Sri Lanka secretary of ministry of finance S. R. Attygalle leh ADB Sri Lanka resident mission country director Chen Chen-ten hming an ziak a ni.
Sir Lanka sorkar chuan an rama sumdawng tenau, small and medium-sized enterprises (SMEs)-te tan ABD loan hi a la tih sawiin, sumdawngte hian Covid-19 leng vanga inkhuahkhirhna hman a nih vangin an sumdawnnaah harsatna an tawk nasa hle a ni. Hei vang hian sorkar chuan an harsatna sutkian a nih theih nan loan a la dawn ta a ni.
Hemi chungchangah hian Attygalle chuan hun rei tak chhung rulh tur loan petu ADB-te chungah lawmthu a sawi a, heng sum hmang hian ramchhunga SME-te chu an sumdawnna kawngah ngai an awh chhoh theih a beisei thu a sawi. Chen pawhin SME sector tlachhe thei dinhmuna a awm chu sorkar kaltlanga ADB loan hmanga sumdawngte kaihchhuah an ni thei tur chu lawmawm a tih thu a sawi ve bawk.
November 17 khan ADB chuan Covid-19 avanga harsatna tawk mek an member zinga ram rethei zawkte (developing country) hnena Covid-19 vaccine peihfel a nih huna pek an nih theihna atan US dollar maktaduai 20.3 chu a ruahman tih a tarlang.