Covid-19 vangin Sudan prime minister hlui a thi

Sudan prime minister hlui Sadiq al-Mahdi chu kum 84 mi niin Covid-19 vangin nimin khan a thi.

Thla liam ta khan Sadiq al-Mahdi hian Covid-19 a kai tih hriat a ni. Sudan ramah enkawl anih hnuin  United Arab Emirates (UAE) khawpui Abu Dhabi-a damdawi-inah kar thum chhung enkawl a ni leh tih a chhungte chuan an sawi. 

Al-Mahdi hi kum 1966-1967 leh 1986-1989 chhung khan Sudan prime minister a ni a, kum 1989-ah spai chakna hmanga paihthlak niin democracy kalphung dik tak hmanga Sudan prime minister atana thlan chhuah hnuhnung ber a ni. A party, Umma Party hi President hlui Omal al-Bashir hun laia eptu party lian ber zinga mi a ni. 

Umma Pawrty chuan PM hlui hi vawiin hian Omdurman khuaah vui a ni dawn tih a puang. Al-Mahdi hi chu Sudan politics-a mi hlui tak, ram hmasawnnaa tha thawh nasa tak a nih thu an sawi.