Palestian rawlthar thattu Israel police thla kaw chhung tâng dawn

Israel court chuan kum 2014-a nawrh huaihawttu zinga mi, Palestinian rawlthar kap hlumtu border police hlui chu thla kaw chhung jail tang turin a hrem.

Israel police hlui Ben Deri hian Israel-in Palestinian ram a luahsak, West Bank-a Beitunia checkpoint-a nawrh huaihawt zinga mi, Palestinian rawlthar kum 17 mi Nadim Nuwar chu a kaphlum a ni. Hemi ṭuma narh huaiahawtnaah hian kum 16 mi, Muhammad Abu Thahr pawh a thi a, mahse prosecutor-te chuan a thih danah hian thubuai siam turin finfiahna a awm ṭha tawk lo niin an sawi.

Kum 2014, May thlaa Beitunia checkpoint-a nawrh huaihawt ṭum hian Palestinian mi eng emaw zat pungkhawm chuan Israel security force-te chu beiin lungin an tawng a, Israel police-te hian mipui hnawhdarh nan hian rubber bullet an kapchhuak a ni. Mahse prosecutor-te chuan Deri hian rubber bullet aiah silai mu tak hmangin, hei hian Nurwara hi a awmah fuhin a thih phah niin an sawi.

Court chuan Deri hi thla kaw chhung jail tang tura a hrem bakah dollar 14,000 chawi turin a ti bawk a ni.

Nurwara-a pa, Issam chuan Israel court rorle dan chu sawiselin, Deri chu hremna na zawk an pe lo chu mak a tih thu a sawi a, hei hi rorelna dik a ni lo a ni, a ti.