Xi Jinping-a'n Biden a lawmpui

China president Xi Jinping chuan Nilaini khan US president atana thlan thar Joe Biden chu lawmpuina thu a thawn. Biden hi thlan tlin a nih aṭanga kar hnih a liam hnuah Xi Jingping hian lawmpuina thu hi a thawh ve chauh a ni.

Lawmpuina thu a thawn chungchangah hian Xi Jingping chuan ram pahnih te chu buaina siam duh lo ram an nihna lantir zelna kawngah te,  inep tawn duh lo an nihna kawngahte, leh inzah tawn tur an nihna chu chhawm nung zel turin Biden chu a sawm a ni.

Hei bakah hian US leh China inkara intih thiam lohna a awm chang pawhin buaina leh intihthiam lohna te chu thunun vat zel tur an nih thu Xi Jingping chuan a sawi bawk. Xi Jingping hian US leh China chu an ram pahnih tana ṭhatna tur chauh ngaihtuah lo a, khawvel tana ṭhatna tur pawh ngahtuahho zel turin, lawmpuina a thawnah hian a ziak tel.

November 13 khan China foreign ministry thupuangtu chuan Beijing chuan Biden leh US vice president ni tur Kamala Harris a lawmpui thu a sawi. Hei bakah hian Nilaini khan China vice president Wang Qishan chuan Harris hi lawmpuina thu a thawn ve bawk a ni. Ram hruaitu lawk zingah hian Russia president Vladimir Putin chuan Biden hi lawmpuina thu a la thawn ve lo a ni.