NKorea-in hyersonic missile an kahchhuah thu a sawi

North Korea-in Thawhlehni khan an ram khawchhak lam tuipuia missile a kahchhuah thu South Korea leh US official-ten an sawi hnuah, nimin khan NKorea chuan an missile enchhin hi hypersonic missile thar a nih thu a puang.

SKorea leh US chuan NKorea missile kahchhuah hi eng ang chi nge tih hriatchian a nih loh thu leh, an zirchian tur thu a lo sawi tawh a, Japan prime minister Yoshihide Suha chuan ballistic missile ni ngeia a lan thu a sawi bawk.

Mahse nimin khan NKorea news media, KCNA chuan hypersonic missile thar a nih thu a sawi. Hypersonic missile hi ballistic missile aiin an thlawk hniam thei zawk a, ri (sound) chak lam let nga vel, darkar khatah km 6,200-a chakin an thlawk thei a ni. Thawhlehnia missile enchhinnaah hian an ram hotu Kim Jong-un erawh a tel lo niin KNCA chuan a sawi. Hypersonic missile thar an enchhin Hwasong-8 tih a ni a, a target pawh fuhin an enchhinna chu a hlawhtlin thu a sawi a ni.