Korea ram hruaituten inbiakna nei ta

Korea ram pahnih hruaitute chuan nimin khan ramri bul, South Korea lama Panmunjon khuaa inbiakna an nei ta a, hei hi Korea ram pahniha hruaituten inbiakna an neih ṭum thumna a ni.

Kim Jong-un hi 1950-53 Korean War hnuah North Korea ram hruaitu zinga South Korea rama kal hmasa ber a ni. Kim hi SKorea president Moon Jae-in chuan military demarcation line-ah a lo hmuak a ni. Hruaitu pahnihte hian Korean peninsula-a boruak muanawm a awm theih dan turte an sawidun a, Korea ram pahnihten inlaichinna ṭha zawk an neih dan turte an sawidun a ni.

Kim chuan Moon hnenah hian SKorea president palace, Blue House tlawh a chak thute hrilhin, Moon hi Pyongang-a zin turina sawm a, hun dangah pawh inbiakna neih chhunzawm zel pawh a la duh tih a hrilh niin official-te chuan an sawi.

Hruaitu pahnihte hian inbiak thawh khatna an neih hnuah chaw chhun chawlh an nei a, hemi hnu hian meeting chhunzawmin an hnuah thingṭiak an phun a, zanriah an kil ho leh nghal a ni.