Israel-a tuilianah mi pakua an thi

Israel chhim lamah Nilaini khan ruahsur vanga tuilian bawhawkah mi pakua an thi a, chin hriat lohin mi pakhat a awm bawk.

Emergency service chuan Nahal Tazafit-ah tuilian bawhawk hian hiker-te hnawlin, an zinga pakua chu an ruang hmuh a ni tawh a, pakhat erawh chin hriat lohin a la awm niin a sawi. Mi 15 chu him taka chhanchhuah an ni tih a sawi bawk.

Heng hiker-te hi pre-army preparatory programme member-te an ni a, Dead Sea bula Tazafit stream-a an kal laiin tuilian hian a la a ni. Tuilianin a lak, thi zinga pariat hi hmeichhia an ni. Chin hriat loha la awm zawn hna hi army rescue helicopter leh fire brigade diving unit-ten an thawk mek a ni.