32nd ASEAN Summit zawh a ni ta

Association of Southeast Asian Nations (ASEAN) summit vawi 32-na, Singapore-a neih chu chu kar kalta Inrinni khan zawh a ni.

Singapore Prime Minister Lee Hsien Loong chuan ASEAN hruaitute chuan regional issue chungchang bakah, khawvel pum huapa ASEAN hmalakna tur hrang hrangte sawihona hun ṭha tak an neih thu a sawi. Summit zawh hnua press conference neihah, Singapore Prime Minister Lee Hsien Loong chuan ASEAN member rama mipuite nungphung chawisanna tur leh khawpui tihchangtlunna turte hmathlir ṭah tak siam anih thu a sawi.

Lee chuan Model ASEAN Extradition Treaty (MAET) tihfel a nih thu te, Singapore-ah annual training workshop, ASEAN Law Academy programme tih din a nih thute a sawi. ASEAN member-te hi Brunei, Cambodia, Indonesia, Laos, Malaysia, Myanmar, Philippines, Singapore, Thailand leh Vietnam te an ni.