Tunisia-in hmeichhe Prime Minister hmasa ber nei dawn

Tunisia president Kais Saied chuan an ram Prime Minister ṭanglai ban a, parliament ṭhiah hnuah Nilaini khan an rama hmeichhe Prime Minister hmasa ber ni turin Raoudha Boudent Ramadhane a ruat.

Kum 63 mi, Ramadhane hi engineering school hmingṭha taka professor a ni a, PM thar atana ruat a ni hi ramchhung mipuite pawhin mak an ti hle a ni.

President office chuan PM thar chu a rang thei ang bera a cabinet thar ruat turin hrilh nghal a nih thu a sawi.

July 25-a President-in Prime Minister ban a, Parliament a ṭhiah zui hnu khan Tunisia ram hi prime minister nei loin a la awm a ni. President thiltih dan hian sawisel a hlawh nasa hle a, mahse an ram sum dinhmun humhimna atan leh, buaina chhuak thei laka invenna atan hei hi a ṭul niin a sawi thung.