Malawi deputy speaker hlui Parliament-ah inkaphlum

Malawi ram deputy speaker hlui Clement Chiwaya chu an ram khawpui Lilongwe-a Parliament chhungah Ningani khan a inkaphlum.

Clement hi wheelchair hman ngaiin a awm a, Ningani khan a wheelchair nen Parliament-ah hian kum hnih liamtaa office a chhuahsan ṭuma lirthei lama hamṭhatna a dawn theih tur angte sawipui turin a kal niin an sawi.

Chiwaya hian a rukin silai a lo keng nia sawi a ni a, wheelchair nena kal a nih bawk avangin security scanner ri pawh a wheelchair vang a nih ringin an tlang tir a ni. Building chhung a luh hnuah, clerk office panin a luah a inkap ta niin Parliament thuchhuah chuan a tarlang.

Parliament thuchhuah chuan, kum 50 mi Chiwaya hian kum 2019-a a term tawp dawnah khan official motor a lei a, mahse a motor lei hi chesualin an chetsual lai hian insurance chu a lo thi hman tawh niin a sawi. A chetsual aṭanga thla ruk hnuah a motor siamṭhatna man chawi tur hian Parliament chu a phut a ni.