Tanzania President-in Covid-19 laka an fihlim thu puang

Tanzania president John Magufuli chuan an ram chu coronavirus lakah a fihlim ta tih Thawhṭanni khan a puang.

An ram khawpui, Dodoma-a biakina inkhawmnaa thu a sawiah, President Magfuli chuan an rama corona hri chu nuaibo a ni ta tih a sawi a, hei hi ram mipuite ṭawngṭaina vang a ni, a ti. 

Hetih lai hian World Health Organisation (WHO) chuan Tanzania sorkarin Covid-19 chungchanga a hma lak dan chu a ngaihṭhatthlak loh thu a lo sawi tawh a ni. 

Sorkar hian an rama hri kai zat data a tihchhuahte chu a titawp vek tawh a ni. April 29 kha data a tihchhuah hnuhnun ber niin, hri kai mi 509 awmin, mi 21 in an thihpui tawh nia tarlan a ni. 

President hian kar liam ta khan an ramah hri kai enkawl mek pali chauh an awm tawh niin a sawi. Tanzania sorkar hian US embassy-in Dar es Salaam-a damdawi-inte hri kai enkawl ngai avangin a lun hle tih leh, hri inkaidarh theihna chance pawh a sang hle  nia a sawi pawh a lo hnawlsak tawh a ni. President hian health official-te chu coronavirus leng vanga chhiatna thleng chungchangte sawi uar lutukah a lo puh tawh a, mipuite chu biakin leh mosque-ah inkhawm chhunzawm a, ṭawngṭaina nei 

ṭha turin a chah a, ṭawngṭainain hri leng hi a um bo thei a ni, tiin a chah.