NKorea-in SKorea nena inbiakpawhna titawp

North Korea chuan South Korea nena an inbiakpawhna zawng zawng a titawp vek a, ram pahnih hruaituten an hman hotline pawh a tel. 

Korean Central News Agency (KCNA) chuan nimin chhun dar 12 aṭang khan North-South joint liaision office kaltlanga inbiakpawhnate chu tihtawp a ni tih a sawi. He office hi kum 2018-a ram pahnih aiawhte inbiakna an neih hnuah an inkar boruak siamṭhatna tura an siam a ni. 

Kumin January thla khan Covid-19 leng vangin office hi khar ni mah se, phone hmangin ram pahnihte hi nitin an la inbepawp chhunzawm reng a ni. 

KCNA chuan South Korea lam chuan an lawm loh zawnga an tih chhunzawm reng avangin, inhmachhawna inbiak emaw, thil sawiho emaw neih chhunzawm zelna chhan tur a awm lo tih a tarlang. 

NKorea ram hotu, Kim Jong-un farnu, Kim Yo-jong chuan kar liam ta khan SKorea-a pawl ṭhenkhatin NKorea sawiselna leh demna lehkha an rama an tihdarh ṭhin chu tihtawp tir an nih loh chuan liaison office hi kharah a lo vau tawh a ni.