China minister-in NKorea tlawh dawn

China State Councilor leh Foreign Minister Wang Yi chu May 2 hian North Korea-ah a zin dawn.

Foreign Ministry thupuangtu Lu Kang chuan Wang hi NKorea Foreign Minister Ri Yong-ho sawmna anga zin tur anih thu a sawi. Tun hnaiah NKorea hian ram dangte nena an inlaichinna siam ṭhat tumin hma a la mek a, kar kalta Zirtawpni khan NKorea ram hotu lu ber Kim Jong-un leh SKorea president Moon Jae-in te pawh an lo inhmu tawh a, Kim leh US President Donald Trump-te pawhin meeting neih an lo remti tawh bawk.