Brazil President laka lungawi lohna lantir

Brazil president Jair Bolsonaro laka lungawi lohna lantirin Inrinni khan khawpui hrang hrangah Brazil mipuite kawng an zawh leh.

Kawng zawh hi eptu party leh trade union-te huaihawt a ni.

Brazil ramah hian Covid-19 hri vangin mi nuai ruk chuang an thi tawh a, hri leng dona kawnga President hma lak dan hian sawisel a hlawhin, an ram mipuite an lungawi lo hle a ni. President duh lohna kawngzawh hi khawpui 160 chuangah neih a ni a, kawngzawhte chuan President Bolsonaro bang tura an phutna thuziakte an keng.

Chamber of Deputies-ah pawh President paihthla tura ngenna 100 chuang a lut tawh a, mahse leader chuan heng ngenna hi a kaltlangpui duh lo a ni.