Moon-an Nobel Peace Prize dawng turin Trump a duh

South Korea President Moon Jae-in chuan US President Donald Trump chu North Korea nuclear programme titawp tura a hmalakna avangin khawvel chawimawina sang, Nobel Peace Prize dawn a phu nia a ngaih thu a sawi. Senior secretary-te nena meeting an neihnaah, Moon chuan President Trump hi Nobel Peace Prize dawng tura a duh thu a sawi a, remna leh muanna chu an mamawh leh duh ber a nih thu a sawi.

Kumin January thla pawh khan Moon chuan Trump hian Korea ram pahnih aiawhte inbiakna neih theihna tura a hmalakna avangin chawimawina pek a phut tih a lo sawi tawh a ni. US Secretary of State Mike Pompeo chuan NKorea-in a nuclear weapon programme a tihtawp hma chuan Trump hian na taka nawr zel a tum thu a lo sawi tawh a ni.