Armenia parliament-in PM tur thlang hlawhtling lo

Armenia parliament, National Assembly chuan Thawhlehni khan an ram prime minister thar tur an thlang a, mahse candidate awmchhung Civil Contract Party hotu Nikol Pashiyan chuan tling tura vote hmuh ngai zat a hmu pha lo.

Parliament-a vote lakah hian eptu hruaitu, Pashiyan hian vote 45 hmuin, a thlawp lo lamah vote 56 a tla thung a ni. PM tling tur hian Parliament seat 105 awm aṭangin vote 53 tal hmuh phak a ngai a ni.

PM thar tur an thlan hlawhchham avangin Parliament hian ni sarih chhungin vote an lak ṭhat leh angai dawn a ni. Hemi chhung hian candidate thar tura rawt hi Parliament member hmun thuma ṭhena hmun khatin an thlawp a ngai a ni. Vote lak ṭum hnihnaah hian PM hi an thlang hlawhtling theih leh lo a nih chuan, Parliament hi ṭhiatin inthlan ṭhat buatsaih a ngai ang. PM thar tur thlan hlawhchham a nih hnu hian Republic Square-a rally huaihawt chu Pashinyan hian a telpui nghal a, nimin aṭang khan nawrh huaihawt chhunzawm a nih tur thu a puang a ni.

April 23 khan Armenia prime minister leh rorellai Republican Party hruaitu Serzh Sargsyan chu mipuite nawrna avangin PM aṭangin a bang a ni.