Nigeria-a bomb puakah mi 60 chuang an thi

Nigeria ram hmarchhak, Adamawa state-ah Thawhlehni khan mosque leh bazar-ah thihchilh bomb tihpuah a ni a, mi 60 chuang an thi.

Adamawa state khawpui, Yola aṭanga km 200 vela hla, Mubi khuaa bomb puak hi helpawl Boko Haram tihpuah nia rin a ni a, a tipuaktute hi mipa naupang an ni. Bomb puak vanga hliam tuar zingah ngaihtuahawm tak tak an awm avangin thi zat pawh hi an la pun chhoh rin a nih thu official-te chuan an sawi.

Mosque-ah hian ṭawngṭai tur mipui kalkhawm laiin bomb hi tihpuah a ni. Mosque hi bazar bul maia awm a ni a, a hnu minute reiloteah bomb puak vanga mipui tlanchhiate chu bitum lehin bazar-ah tihpuah zui leh nghal a ni.