Kabul mosque bula bomb puakah mi ṭhahnem tak thi

Afghanistan khawpui Kabul-a mosque bulah Pathianni khan bomb a puak a, mi ṭhahnem tak an thi tih Taliban senior official chuan a sawi.

Bomb hi Kabul-a Eid Gah Mosque luhna bulah tihpuah anih thu Taliban thupuangtu Zabihullah Mujahid chuan twitter kaltlangin a sawi.

Kar liam taa thi, Mujahid-a nu pualin Pathianni chawhnu lam khan mosque-ah hian ṭawngṭaina hun hman a ni a, he hunah hian an chhungte leh ṭhianṭhate an tel a ni. An hun hman laiin mosque bulah hian bomb hi tihpuah a ni.

Mosque bula dawr neitu pakhat chuan bomb puah hnuah hian silai puak ri pawh a hriat zawm thu a sawi. He pawikhawihna thlenga mawhphurtute hi hriat an la ni lo a, eng pawl mahin an tih a nih thu an la chhal lo a, mahse Islamic State (IS) firfiakte tih nia rin a ni thung.