Iran-a lir nghingah mi 100 chuangin hliam tuar

Iran khawthlang lam, Kohgiluye leh Boyerahmad province-ah nimin zing khan magnitude 5.2-a nain lir a nghing a, mi 100 chuangin hliam an tuar.

Lirnghinna hi 30.834 degrees north latitude leh 51.559 degrees east longitude, leihnuai km 8-a thukah a ni. Lirnghing vang hian Sisakht khaw mite chu hlauin kawtthlerah an tlanchhuak nasa a, kang ṭhelhtuten kawngpuite hi fangin mipuite chu an in aṭanga chhuak turin an ti bawk. Khawpui chhungah thil tihchhiat lian tham a awm lo a, mahse hmun ṭhenkhatah inbiakpawhna leh power supply lam a tibuai a ni. Lirnghing tuarte chhawmdawl leh ṭanpui hna thawk tur hian relief team leh evacuation team tirh nghal an ni bawk.