China-in South China Sea-ah missile dah

China chuan a ṭhenawm ram dangte nen an inchuh mek, South China Sea-a Spratley Islands-ah missile system a dah nia sawi a ni.

US news network CNBC chuan US intelligence aṭanga an hriat danin, China hian South China Sea-a outpost pathumah anti-cruise missile leh surface-to-air missile system a dah niin a sawi a ni. US chuan he thil hian nghawng ṭha lo tak a neih theih tur thu a sawi.

Australia foreign minister Julie Bishop pawhin he report hi a dik anih chuan Australia sorkar tan thil ngaimawawh tak tur a nih thu a sawi a, hei hi China-in South China Sea-a ralthuam a dah lo ang tia a lo sawi tawh nen a inkalh dawn tihna a ni, a ti.