PLO chairman atan President Abbas thlang

Palestine Liberation Organization (PLO) parliament, Palestinian National Council (PNC) chuan kum 82 mi, President Mahmoud Abbas chu PLO chairman atan nimin khan an thlang.

PNC meeting hi Thawhṭanni aṭang khan West Bank-a Ramallah khuaah neih a ni a, hei hi kum 2009 hnua meeting an neih lehna hmasa ber a ni. Meeting tawpni, nimin khan PLO executive committee tur leh chairman tur hi an thlang a ni. Executive member atan mi 15 an thlang a, an zingah hian mi pakua chu mi thar an ni. He meeting-ah hian Israel leh US nen an inkar boruak te, Palestinian tualchhung dinhmunte an sawiho a ni.

Meeting hi Hamas leh Islamic Jihad bakah PLO pawl ṭhenkhatin an boycott a ni. An zinga ṭhenkhat chuan Israel-in a luahsak, West Bank-a meeting neih hi an duh loh avangin an tel lo a, ṭhenkhat chuan Palestinian pawl lian pahnih, Hamas leh Fatah te inkara inremna a awm theihna tura inbiakna neih leh phawt a nih theihnan sawn hlat an phut thung.