Nobel Prize 2021 dawng tur puang chhuak ṭan

Khawvela chawimawina ngaihhlut, Nobel Prize 2021 dawng turte chu Thawhṭanni aṭang khan Nobel Committee chuan a puang chhuak leh ṭan ta.

Nobel Prize for Physiology or Medicine
Nobel Prize for Physiology or Medicine 2021 dawng tur puan hmasak ber a ni a, he chawimawina dawng tur hian US scientist pahnih - David Julius leh Ardem Patapoutian-te thlan a ni. Temperature leh touch receptor an hmuhchhuah avangin thlan an ni tih Nobel committee secretary-general Thomas Perlmann chuan a sawi.

Nobel Prize for PhysicsṬ
Nobel Prize for Physics chu Syukuro Manabe, Klaus Hasselmann leh Giorgio Parisi te hnenah complex system harsa zawk an hrilhfiah avanga thlan an ni.

Syukuro Manabe leh Klaus Hasselmann-te hian khawvel sik leh sa hrilhlawk dan rintlak zawk an hmuh chhuah avangin chawimawina pakhat zawk hi an indawn ṭawm dawn a, Giorgio Parisi chuan planetary scale buai leh mak danglam tak a hmuh chhuah avangin chawimawina hi a dawng ve thung a ni. Chawimawina hian gold medal leh Swedish pawisa, kronor maktaduai 10 (USD mtd 1.14) a keng tel a, mi pakhat aia tam thlan an nih chuan a pawisa ken tel hi an insem ṭhin a ni.