Japan PM tharin Oct 31-a inthlanpui neih tur a puang

Japan prime minister thar Fumio Kishida chuan October 31-ah an ram inthlanpui buatsaih tum a nih thu a puang.

Japan PM 100-na atana thlan a nih hnuah press conference a neih hmasak berah, Kishida chuan inthlan neih hun tur hi a puang a ni.

Parliament lower chamber, House of Representive term hi October 21 hian a tawp dawn a, hei vang hian Kishida chuan a rang thei anga inthlan buatsaih nghal tumin, October 14-ah Parliament ṭhiah a ni dawn tih a sawi. October 19 aṭangin member-ten campaign an ṭan thei ang.

Inthlanpui hi November thla tawp lama neih tura rin ni mah se PM thar hian inthlan neih hma hi a ṭha zawk nia sawiin a ti hma a ni. Hetichung hian tuna an ram danpui hman mek hnuaia a ṭum khatna atan member term a tawp hnua inthlan buatsaih a nihna hmasa ber tur a ni.

House of Representative-ah hian Kishida kaihhruai Liberal Democratic Party (LDP)-Komeito ṭangrual chuan majority an nei a, inthlan neih leh hunah pawh majority hi neih chhunzawm ngei an tum tih PM chuan a sawi.