Singapore-ah Trump-Kim summit neih a ni dawn

US President Donald Trump leh North Korea hotu Kim Jong-un te meeting neih tur chu Singapore-ah nghah a ni dawn nia sawi a ni. Meeting hi June thlaah an nei dawn nia sawi a ni bawk.

President Trump chuan ram pahnih aiawhte hian meeting neih hun tur leh a hmun tur pawh an tifel tawh niin a sawi a, hei hi puanchhuah thuai a ni ang, a ti.

South Korea-a Chosun Ilbo chanchinbu chuan summit hi June thla laihawla neih a ni dawn tih a sawi a, Singapore chuan he meeting hi a lo thleng dawn a ni, a ti. Trump hian tun thla tawp lam hian South Korea President Moon Jae-in chu White House-ah a hmu dawn bawk a ni. Hei hi Trump-a National Security Advisor John Bolton hnen aṭanga hriat nia sawi a ni. Bolton hian Trump-an Korea ram pahnih hruaitute kar hmasaa a hmuh tur chungchang buapui hian kar hmasa khan South Korea National Security Advisor Chung Eui-yong chu Washington-ah a lo hmu tawh a ni.