Hawaii-a tlangkang vangin in 21 chhe tawh

Hawaii-a Kilauea tlang kang vanga chenna in chhia chu Pathianni thleng khan 21 a tling tawh. Tlang kang hian lei sa (lava) te chu feet 200 chuang zeta sangahte a vawrh a ni.

Tlang kang vang hian a bulṭhuta cheng mi 1,700 vel chu insawnchhuah tir an ni bawk. Hawaii official-te chuan Leilani Estates subdivision-ah chuan tlang kangin lei khi a siamah lei sa, gas leh tui hu a chhuak nasa hle niin an sawi a, hei hian chenna in eng emaw zat tichhiain, in chhe zat pawh hi a la punchhoh mai theih thu an sawi. Kilauea tlang hi khawvela tlang kang thlen duhna ber zinga mi niin, kum 1983 aṭang khan a thlen chhunzawm reng a ni.