Italy-in inthlan ṭhat an ngai dawn

Italy rama ṭangrual sorkar siam tuma inbiakna chu a hlawhchham avangin inthlan ṭhat an ngai dawn a, inthlan ṭhat buatsaih a nih hma chuan neutral sorkar a ding rih dawn a ni.

March thlaa inthlanpui neihah khan party mala sorkarna siam thei an awm lo a, hei vang hian ṭangrual sorkar siam tumin hma an la zui a ni. Mahse President Sergio Mattarella chuan

ṭangrual sorkar siam tuma inbiak ṭum thumna chu a hlawhchham leh tak avangin thlan tur pahnih chiah a awm tawh tih a sawi a, chu chu kumin chhung chu netural caretaker sorkar hnuaiah awm emaw, inthlan ṭhat buatsaih emaw a nih thu a sawi.

Inthlananah hian Five Star movement chu party mala seat la hnem ber a ni a, mashe Forza Italia leh The League nena right-wing alliance siam tumna a zawm theih loh bakah, centre-left Democratic Party a thawhpui thei lo bawk a ni. March 4-a inthlan result puan a nih aṭang khan party hrang hrangte hian ṭangrual sorkar siam dan an ngaihtuah zui a, mahse an inrem thei lo a ni.