Lebanon inthlanah Hezbollah leh a thawhpuite che ṭha

Lebanon Parliament inthlanah Hezbollah leh a thawpui party-te an che ṭha hle.

US-in firfiak pawla a puan, Hezbollah leh a thawhpuite hian Parliament seat zahve aia tam an la pha a ni. Hezbollah bik hian inthlan hmasa aiin MP hi a nei tam lo a, mahse kumin inthlanah hian khawpui lianah kum dang aiin thlawptu leh thawhpui a ngah zawk a ni. Hezbollah thawhpui zingah hian Parliament Speaker Nabih Berri-a kaihhruai Shiite Amal Movement, President Michel Aoun-a pawl Christian Free Patriotic Movement pawh an tel a ni.

Khawthlang ramten an thlawp, Prime Minister Saad al-Hariri-a party chuan Parliament seat 128 awmnaah MP 21 chauh a nei pha a, Hariri chuan an chetchhiat chhan hi voting law thar an hman vang leh, party chhunga thawhhona ṭhat tawk loh vang niin a sawi. Mahse Sunni Muslim hruaitu zingah seat ngah ber a la nih avangin sorkar siam thei tura rinkai ber a ni.

Lebanon-a power-sharing sytem hman hnuaiah prime minsiter chu Sunni a ni tur tih a ni.