Biden-a'n Covid Task Force din

US President thar tur, Joe Biden chuan Thawhṭanni khan Covid Task Force thar dinin, member turte a puang. 

Biden-a'n task force a dinah hian co-chair pathum ruatin, member-te nen an vaiin mi 13 an awm. Co-chair atana a ruatte hi Vivek H. Murthu, David zkessler leh Marcella Nunez-Smith-te an ni. Murth leh Kessler hian hun eng emaw chen chu hri leng chungchangah hian Biden hi thurawn an lo pe tawh ṭhin. 

President-elect Biden chuan an rama hri leng mek do hna thawh chu an hmalakna pawimawh hmasa ber tur a ni tih sawiin, hemi kawngah hian mithiamten thurawn an pe zel dawn tih a sawi. 

US-ah hian Covid-19 hi an la pung chak hle a, ni 10 liam ta chhungin hri kai hmuh chhuah thar hi mi maktaduai khat an tling a, hri kai hmuh tawh hi mi maktaduai 10.13 an awm tawh a ni. Hripui thihpui pawh an pun belh zel a, health expert-te chuan kar li aṭanga kar ruk chhung vel chu hri kai leh hri thihpui hi an la pun belh zel dawn nia a lan thu an sawi a ni.