Malaysia inthlanpui nei

Malaysia ram inthlanpui chu nimin khan neih a ni a, Prime Minister Najib Razak-a kaihhruai ṭangrual pawl chu an chak leh ngei rin a ni.

Inthlan neih dawn hnaiha mipui ngaihdan lakah, PM kaihhruai Barisan Nasional (BN) chu tlahniamin, PM hlui Mahathir Mohamad-a kaihhruai eptu pawlte chuan hma sawn mah se, BN hian Parliament seat 222 awmnaah majority an lak leh ngei rin a ni. Kum 2013 inthlanah kha BN chet chhiat ber ṭum niin majority a nei zo lo a, mahse hetichung hian Parliament seat 133 a la pha tho a ni.

Vote nei mi maktaduai 14.9 awmin, zing dar 8 aṭangin vote thlak ṭan a ni a, zan dar 8 thleng vote thlak hun hi hawn a ni. Inthlan result tam zawk hi zanlai thlen hmain hriat theih beisei a ni a, result kimchang chu vawiin hian hriat theih a ni ang.