China-a Anbang firm hotu hlui kum 18 tang turin hrem

China rama insurance leh financial firm lian, Anbang hotu hlui Wu Xiaohui chu eiru leh dawt hmanga thiltia puhna thubuaiah thiam loh chantir anih hnuin kum 18 tang tura hrem a ni.

Wu Xiaohui hian March thla khan state television-ah investor-te hnen aṭanga dollar tam tham tak a lak thu a sawi tawh a ni. Nikum June thla khan hren a lo ni tawh a, kumin February thla aṭang khan Anbang hi Chinese regulator-te kutah dah a ni tawh bawk. Anbang hi kum 2004-a Wu-an a din a ni a, China rama politics lama mi lar tak takte nen inzawmn an nei ṭha hle.