Somalia-ah pasal 11 nei lungin deng hlum

Somalia rama firfiak pawl al-Shabah chuan hmeichhe pakhat, pasal 11 nei chu lungin an deng hlum.

Somalia court chuan Shukri Abdullahi Warsame-i chu a pasal hmasate ṭhen fel si loa pasal dang nei zelah puhin, pasal 11 a neih avangin thiam loh a lo chantir tawh a ni. Hemi hnu hian Islam dan, Sharia law kenkawh duhtu, al-Shabab te hian Warsame-i hi manin leiah a nghawng thlengin an phum a, lungin an deng hlum ta a ni.

Islam danah chuan hmeichhiate chu pasal pakhat aia tam an neih khapsak an ni a, mipate erawh chu nupui pali thleng an neih phalsak an ni thung. Hmeichhia leh mipate hi an nupui/pasal ṭhen phalsak ve ve an ni a, mipate chuan awlsam taka an nupuite an ṭhen theih laiin hmeichhia-in a pasal a ṭhen dawn chuan a pasalin a remtihpui a ngai a ni. A pasalin a lo remti lo a nih chuan sakhaw court-ah a kal a ngai a ni.