Russia-i'n inbiaknaa tel turin Taliban sawm dawn

Russia chuan Afghanistan-a rorel lai, Taliban-te chu October 20-a Moscow-a international talk neih tura tel turin a sawm dawn tih Aghanistan-a Russia palai, Zamir Kabulov chuan a sawi.

Moscow-ah inbiakna neih tura hian Russia bakah China, India, Iran leh Pakistan aiawhte an tel dawn a, Russia hian Taliban-te hi sawm a tum ve a ni. October 12 khan G20 summit-ah Afghanistan chungchang hi sawiho a lo ni tawh bawk a, Taliban-ten thuneihna an chan hnua an ram chhunga buaina nasa zawk thleng tur laka inven leh pumpelh a nih theih dante an sawiho a ni.

Kabulov chuan Aghanistan mipuite tana chhawmdawlna an pek tur thu pawh a sawi a, mahse an kalpui dan tur kimchang erawh an la ngaihtuah dawn tih a sawi. Mipuite chhawmdawlna pek turte pawk lakkhawm mek a ni, a ti.

Russia hian Taliban-te hi thawhpui dan ngaihtuahin hma la ṭan mah se Taliban sorkar erawh a la pawm lo a, Taliban hi Russia chuan a hmain firfiak pawlah a lo puang tawh a ni.