New Zealand-in vaccine la lote hnathawh phal dawn lo
New Zealand chuan Covid-19 hri leng mek chhut chahna tur kawng khat atan healthcare worker leh zirtirtu vaccine la lote chu an hna thawh chhunzawm a khap dawn tih nimin khan a puang.
Education leh Response minister Chris Hipkins chuan an hmalakna thar siam chung chang hi sawiin, " Thil eng emaw palh thleng thei turin engmah siam kan tum lo a, hei vang hian vaccine hi lak ngei ngei turin kan ti a ni," a ti.
December 1 hmain doctor, nurse leh frontline health worker-te chuan vaccine dose bikimin an la tur a ni a, hetih lai hian zirna hmuna zirlaite nena inhnimhnaite pawhin January 1 hmain dose bikimin la vek tura tih an ni bawk.
Royal New Zealand College of General Practitioners chuan vaccine lak ngei ngei tura sorkar thuchhuah hi thlawpin, an president Samantha Murton chuan sorkar thuchhuah chu thutlukna huaisen tak, mah se siam ngei ngai si a ni tih a sawi.
Secondary school-te chu an zirlai naupangte'n vaccine an lak dan chungchangte chhinchhiahna ṭha tak vawng tura tih an ni.
"Vaccine hi hri kan kai lohnan leh hri kan do hneh theihna tura kan ralthuam chak leh ṭangkai ber a ni," tiin Hipkins chuan a sawi.
He thupek hian zirlai naupangte ina zirtirna pe ṭhin, home-based educator leh school-a in volunteer ṭhin nu leh pa-te pawh a huam vek a ni.