China-ah tuilian vangin mi nuai tel hmun himah sawnchhuak

China hmarlam Shanxi province-ah tuilian nasa avangin mi maktaduai 1.76 vel chu hmun him lamah sawnchhuah an ni.

Kar liam taa ruahsur nasa avangin province huamchhunga district leh khawpui 70 chuangah in tam tak chimin, lei pawh a tawlh nasa hle. Meteorological Administration chuan hun rei tak chhung ruahsur leh thlipui tleh vangin harsatna tawkte ṭanpui hna thawhna pawh a bahlah phah hle tih an sawi.

Thla thum liamta khan Henan province-a ruah sur nasa tak vangin mi 300 chuang an lo thi tawh bawk a ni.

Thuneitute chuan mi1,20,000 chuangte chu hmun him lamah sawnin an awmna pawh ngaihtuah sak an ni tih an sawi. Shanxi province-a chenna in chhia hi 17,000 a tling tih an sawi bawk. Shanxi-a tuilian hi kumin kumtir lama Henan-a tuilian ai khan a nasat zawk an rin thu an sawi.

Lei tawlh vangin police officer pali an thi a, chhiatna thlenga thi dangte erawh puanzawr an la ni lo.

Shanxi province khawpui, Taiyan-ah hian kar liam ta chhung khan ruahtur 185.6 mm tla anga chhut a ni a, kum 1981 leh 2010 inkarah chuan October thla chhunga ruahtui tla hi 25 mm vel chauh a ni thung. Shanxi hi lungalhthei siamchhuahna hmunpui a ni a, mahse ruahsur nasa avagin China sorkar chuan lungalhthei khur leh chemical factory-a hnathawhte chu a titawp rih a ni. China hian energy lama indaih lohna lian tak an tawh mek avangin kawlpetha pek chhuah pawh a titlem a, lawngchawlhna hmun (ports) leh thilsiamna hmunpui (factory)-ahte electric hman theih zat tur bithliah an siam a ni.