Goland Heights-a Israel mi dah belh tumna Syria in dem

Israel prime minister Naftali Bennett-a'n Israel-in a ram luah, Golan Heights-ah Juda-te chenna tur siam belh an tum dawn tih a sawi chu Syria foreign ministry chuan a sawisel.

Syira ministry chuan Israel PM thusawi hi chhang let nghalin, Golan chu Arab leh Syria ram a ni reng dawn a, eng kawng mahin thlak danglam a ni dawn lo tih a sawi. Israel-in a ram luaha hmalakna tur hrang hrang a duante chu awm ze nei lo leh pawm theih loh a ni tih a sawi bawk. Israel-in Golan Heights a luah belh zel tur dang tur leh, a ruahmanna siamte tihlawhchham tur hian Syria army-te chu an inpeih reng a ni, a ti.

Kum 1967 indonaah khan Israel hian Golan Heights, West Bank leh Gaza Strip-te lain tun thlengin a la luahzui a ni. Thawhṭanni khan PM Bennett chuan Goland Heights-ah Israel mite chenna tur hmun pahnih siam belh tum a nih thu hi a puang a ni.