Indonesia-a biak-in pathumah bomb tipuak

Indonesia-a Surabauay khuaah nimin khan biak-in pathumah thihchilh bomb tihpuah a ni a, mi 11 an thi. Police-te chuan biak-in beihnaah hian mi 40 chuangin hliam an tuar bawk niin an sawi a, bomb puak hi eng pawl mahin an tih niin an la chhal lo.

Official-te chuan bomb puak hmasa ber hi zing dar 7.30 vela puak niin an sawi a, a hnu minute reiloteah biak in dang pahnihah tihpuah zui leh a ni. Biak-in pali-na beih tumna erawh chu police-ten an dang hman a ni.

Pawikhawihtute hi hriat la ni lo mah se, intelligence agency chuan Islamic State (IS) firfiak pawl nena inzawmna nei, Jemaah Ansharut Daulah te tih niin an ring.