Malaysia PM hlui zin chhuah khap

Malaysia Prime Minister hlui Najib Razak chu phalna nei loa an ram a chhuahsan khap a ni thu Immigration hotu ten an sawi.

Kar kaltaa inthlanpui buatsaiha Najib-a kaihhruai Barisan National ṭangrual pawl chu kum 60 zet ro an rel hnuah an chak zo lo a ni. Hemi hnu hian Najib hian a nupui nen chawlh hmangin ram dangah zin an tum thu a sawi a, mahse Immigration hotute chuan ram danga a zin hi khap a nih thu an sawi a ni. Najib hi kum 2015 khan sorkar sum dollar maktaduai 700 vel zet tichingpenah puh a ni a, mahse thuneitute chuan he thilah hian thiam an chantir thung.

Malaysia Prime Minister thar, kum 92 mi Mahathir Mohamad chu kar kalta Ningani khan PM atan lakluh a ni. Lakluh a nih hnua a thu sawiah, Mahathir chuan an rama eirukna hrang hrang awmte chu chhui chian ani dawn tih a sawi a ni.