UAE PM-in mitang 700 ngaidam

United Arab Emirates (UAE) Prime Minister leh Vice President, Sheikh Mohammed bin Rashid Al Maktoum chuan Muslim thla thianghlim, Ramadan thleng tur denchhenin mitang 700 a ngaidam.

UAE-ah hian Ramadan thla thlen dawn hian mitang ngaihdam hi kumtinin tihdan phungah an nei ṭhin. Dubai Attorney General Essam Isa Al Humaidan chuan Sheik Mohammed thutlukna siam chuan mi tam tak an nunbul ṭan thar tura hun ṭha a siamsak dawn a ni tih sawiin, hei hian khawtlangah pawh nghawng ṭha tak a neih a beisei thu a sawi. Sheikh thupek tihlawhtling a, tang ngaihdamte chhuah zalen tur hian Dubai Public Prosecution chuan a ṭul angin hma a la nghal tih a sawi bawk.