PM hlui bail-a chhuah phalsak

Bangladesh Supreme Court chuan eiruk thubuaia thiam loh chantira jail-a tang mek, Prime Minister hlui Khaleda Zia-i chu nimin bail-a chhuah a phalsak.

Kum 72 mi, eptu pawl Bangladesh Nationalist Party (BNP) hruaitu Zia-i hi kumin February 8 khan a pasal thi ta hming chawia din, Zia Orphanage Trust tana ramdanga aṭanga donation an dawn tak, maktaduai 21 tichingpena puhin kum nga tang turin thiam loh chantir a ni.

March 12 khan High Court chuan interim bail pek a remti a, mahse hei hi anti-corruption commission leh sorkar chuan Supreme Court-ah an khing a, mahse Supreme Court chuan High Court thutlukna lo siam tawh hi a pawmsak a ni. Zia-in hremna an pek ngaihtuah ṭha tura ngenna chu High Court hian July 31-ah a ngaihtuah dawn a ni.