Israel-ah kum 1,500 liam taa wine siamna hmun hmuchhuak

Israel archaelogist-te chuan kum 1,500 vel liamtaa wine siamna hmunpui an hmuchhuak tih an sawi.

An hmun hmuhchhuah hi Yavne khuaa awm a ni a, he hmun an laihchhuahah hian wine press panga, warehouse, leh bungrua eng emaw zat an hmuchhuak a ni.

Israel Antiquities Authority chuan an thil hmuhchhuah aṭang hian Byzantine hunlai khan Yavne chu wine siamna hmunpui a lo ni ṭhin tih a tilang niin an sawi. Byzantine hun lai wine siamnn hmun lian ber a nih thu an sawi bawk. Researcher-ten an zirchianna aṭangin an wine siamna hmuhchhuah aṭang hian kum khatah wine litre maktaduai hnih vel an siamchhuak thei nia ngaih a ni bawk. He hmun aṭanga wine an siamchhuah hi Gaza emaw, Ashkeon wine emaw tih niin, Mediterranean ram hrang hrangah an thawnchhuak ṭhin.

Yavne khua hi Israel khawpui, Tel Aviv chhim lama awm a ni. He khuaa wine siamna hi khawpui cheiṭhat hna thawhna a an laihnaa an hmuchhuak a ni.