Spain rama tlang kang vangin mi tam tak tlanchhia

Spain rama Canary Island-a La Cumbre Vieja tlang kang inphuh chhuak leh vangin a chhehvela cheng mi tam tak chu hmun him lamah an tlanchhia.

La Cumbre Vieja tlang hi Sept. 19 khan a lo kang tawh a, hemi ṭum hian mi 6,000 chuangin an chenna an tlanchhiatsan a ni. Tlang kang aṭanga lei/tui sa tawlh chhuak hian chenna in 1,200 vel a tichhia a, ram hectare 600 vela zau a kang tel bawk a ni.

Thawhlehni khan tlang kang hi rawn inphuh chhuak lehin, a bul La Palma-a cheng mi 1,000 dawn chu insawhchhuak turin hriattir an ni. Emergency service chuan tlang aṭanga lei sa a tawlhchhuah belh zel avangin he thupek hi tihchhuah a nih thu a sawi.