Japan Parliament ṭhiat, Oct 31-ah inthlang dawn

Japan prime minister thar Fumio Kishida chuan an ram inthlanpui neih a nih dawn avangin nimin khan Parliament a ṭhiat a, tuna thla tawpa inthlanpui nei turin an inbuatsaih ṭan.

Rorellai, Liberal Demcoratic Party (LDP) hruiatu atana thlan tlin a nih hnuah Kishida hian Prime Minister dinhmun hi ni 11 chhung a chelh hman a ni.

Mamber 465 awmna, Parlia­ment lower house inthlan hi October 31-ah neih a ni dawn a, party hrang hrangte pawh an campaign mek a ni. Campaign au hlaah hian hri leng tihtawpna tur leh an ram economy din thar chungchang chu an hman pui ber a ni hlawm.

Mipui ngaihdan lak hnuhnung bera sorkar chu hri leng mek chungchang ngai pawimawh tura duhtu an tam ber a ,a dawtah economic recovery leh employment lam an ngai pawimawh leh bawk.