Egypt-in sorkar hnathawk vaccine la lote hnathawh phal dawn lo

Egypt chuan an rama sorkar hnathawk, Covid-19 vaccine la lote chu November 15 aṭangin sorkar building-ah luh an phal tawh dawn lo tih a sawi.

Pathiannia cabinet thuchhuah chuan, sorkar hnathawkte chu vaccine an lak loh chuan sorkar building-ah an lut duh anih chuan November 15 aṭangin kartin Covid test an neih a ngaih tur thu a tarlang.

Cabinet chuan naktuk aṭangin mosque-a inthiarna hmun hawn phalna an tichhuak bawk. Coronavirus hri darh tur venna atan nikum March thla aṭang khan mosque-a inthiarna hmunte chu khar an lo ni tawh a ni.

Sorkar chuan hripui leng mek dona atan Egyptian pound tluklehdingawn khat (USD mtd 64) an ruahman tih a sawi.

Egypt hian a ram mipui maktaduai 100 chuang aṭanga mi mtd 30 chuangte hnenah Covid-19 vaccine an pe tawh tih health ministry data chuan a tarlang bawk.