Myanmar-in tang 5,000 chuang chhuah tir dawn

Myanmar sipai sorkara an hotu, general Min Aung Hlaing chuan sipai rorelna duh lohna lantira buaina chhuaka man, mi 5,636 chu chhuah an ni dawn tih a sawi.

February 1-a sipaiten civil sorkar thuneihna an hnehchhuh duh lohna lantirin ram chhung hmun hrang hranga nawrh huaihawt a, hmun tam takah buaina pawh a chhuak a ni. Nawrh huaihawtnaa tel mi 1,178 chu sipaite kut tuarin an thi a, mi dang 7,335 hren mek an ni tih Assistance Association for Political Prisoners chuan a sawi.

Gen Min Aung Hlaing chuan TV-a thu a sawihah, heng an mi man zinga a tam zawk hi October thla tawp lamah Buddisht holiday Thadingyut pualin chhuah an ni dawn tih a sawi. July thla khan nawrh huaihawtnaa tel vanga man zinga mi 2,000 chuang chu chhuah an lo ni tawh bawk.

Sipai hotute chuan an rama boruak muanawm tak leh, democracy tundin chu an duh tih a sawi bawk. Democracy tundinna turin a kaihhruai sorkar chuan ruahmanna pawh a siam thu a sawi bawk a ni.