Covid vangin US Secreraty of State hlui Colin Powell a thi

US Secretary of state hlui, African-American zinga he dinhmun chelh thei hmasa ber Colin Powell chu Thawhṭanni khan Covid-19 vangin a thi.

Colin Powell hian Covid vaccine dose kimin a la hman a, mahse thisen cancer chi khat leh Parkinson disease te a nei a ni. Kum 84 mi niin an ram huna Thawhṭanni zing khan Walter Reed National Military Medical Center-ah a thi a ni.

Sipai officer hlui, Powell hi kum 2001 khan Republican president George W Bush hnuaiah secretary of state a ni. Moderate Republican a ni ṭhin. Bush chuan amah chauh ni lo, President dangte pawh Cowell hian thurawn ṭha tak tak a pe fo tih sawiin, President-te ngainat hlawh tak niin US sorkarin civil mite chawimawina a pek san ber, Presidential Medal of Freedom pawh ṭum hnih hlan a ni, a ti.

Republican ni mah se Cowell hian kum 2008 khan Democrats presidential candidate Barack Obama a thlawp a, a hnuah pawh Democrats candidate dangte pawh a thlawp zui ta zel a ni.