SKorea-in defence expo lian ber a hawng

20th October, 2021

North Korea-in missile a enchhin leh nia sawi mek karah, nimin khan South Korea chuan defence expo a neih tawha lian ber, International Aerospace and Defence Exhibition (ADEX) chu Seoul-a air base-ah a hawng.

Defence expo-ah hian fighter, drone leh technology dangte phochhuah niin, ram chhung leh ram pawna company-te thil siamchhuah hrang hrangte chu pho lan a ni tih ADEX official Lee Jong-ho chuan a sawi.

Expo-ah hian ram 28 aṭangin company 440 an tel a, aircraft chi hrang 79 bakah ground equiptment 68 te pho chhuah a ni. Ram 45 aṭangin sorkar, sipai leh defence official-ten an telpui an beisei bawk. Inrinni thleng a awh dawn a ni.

US Air Force chuan he expo-ah hian US sipai 170 velin American military aircraft-te an entir dawn tih a sawi.