Texas schoolah in kahna thleng

US-a Texas-a Santa Fe High School zilrai pakhat, Dimitiros Pargourtzis chuan kar kalta Zirtawpni khan school-ah zirlai leh zirtirtutte a pawng kah a, mi 10 an thih bakah mi dang 10 in hliam an tuar.

Silai hmetpuaktu hi kum 17 mi a ni a, a silai hman hi shotgun leh revoler pistol niin a pa kawllai a ruk chhuah nia sawi a ni. Police-te thlen hnuah pawh hun rei vak lo an inkap zui nia sawi a ni a, ahnuah a inpe ta a ni. Pagourtzis hi tualthah thubuai siamsak nghal a ni.

Police-te chuan silai hmehpuaha thite hi zirlai pariat leh zirtirtu pahnih niin an sawi a, school-a police duty pakhat pawhin hliam na tak a tuar tel bawk. Pawikhawihtu diary aṭangin school-a pawikhawihna thlen hi a hma aṭanga a lo duan lawk a nih thu leh, mahnih intihhlum zui a tum thu police-te chuan an sawi. Mahse a intihhlum ngam tak loh vangin police-te kutah a inpe ta a ni.