Saudi Arabia-in Ethiopia mi 1,000 chhuah dawn

Saudi Arabia chuan an rama Ethiopia mi tang mek 1,000 te chu a chhuah dawn.

Ethiopia Prime Minister Abiy Ahmed chu ni hnih chamin Saudi Arabia ramah hian a zin a, an ram mi tang mekte chhuah tur hian Saudi thuneitute a ngen a ni. PM Ahmed-a ngenna hi Saudi thuneitute chuan ngaihtuahin an remtihsak ta a ni. Tangte hi nimin khan chhuah an ni.

Ethiopia mi tam tak hi Gulf ramah an cheng a, an zinga a tam ber chu Saudi Arabia-ah an awm a ni. Saudi Arabia official-te chuan dan loa an rama Ethiopia mi pemlut mi nuai nga chuangte thawn kir dan tur a buaipui mek a ni. Kum 2017 khan Saudi Arabia ṭang hian tihluihna hmangin Ethiopia mi 14,000 chu thawn kir an lo ni tawh bawk.