Iraq inthlan-ah Sadr bloc an chak

Kar kalta Inrinni-a Iraq parliament inthlan neih-ah Shia hruaitu Muqtada al-Sadr kaihhruai an chak.

Sadr bloc hian parliament seat 54 la mah se, an hruaitu Muqtada al-Sadr hian inthlanah hian a chuh ve loh avangin prime minister a ni thei dawn lo a ni. Hadi al-Amiri-a pawl, Fatab bloc chu seat la hnem ber dawttu niin seat 47 a la a, Prime Minister Haider al-Abadi-a kaihhruai Nasr Coalition chuan seat 42 chauh a la pha thung.

Sadr bloc hian seat la hnem ber mah se prime minister tur a ruat mai thei lo a, prime minister atana a rawt chu bloc dangin an pawmpui a ngai dawn a ni. Kum 2010 inthlanah khan Vice President Iyad Allawi-a pawlte chuan seat la hnem ber mah se bloc dangin an thlawppui loh avanign Allawi hi prime minister a ni thei lo a ni.