US Department of Justice-in Trump campaign chhui dawn

22nd May, 2018

US Department of Justice chuan kum 2016 US President thlan dawnah President Donald Trump-a election campaign chu FBI agent-ten an lo enthla ru em tih an chhui dawn.

President Trump chuan hemi chungchang hi a twitter-ah tarlangin, president kalchhuak Barack Obama kaihhruai sorkar khan hetianga ti tur hian thupek a lo siam em tih hriat a duh thu a sawi. US media report chuan FBI hian campaign-naa telte meeting an neihpui niin an sawi.

US Deputy Attorney-General Rod Rosenstein chuan hetianga campaign-naa dik lo taka inrawlhna hriatchhuah anih chuan a ṭul angin hma an la zui dawn tih a sawi.